Starter

14.1.2011 | 12:54

Ekkert nýtt undir sólinni

Auðvitað er ekki forsvaranlegt að vísa barni úr strætó vegna fargjalds, en það er ekkert nýtt og mun örugglega ekki breytast. Auðvitað er nýbúið að hækka fargjaldið og kanski ekki allir sem átta sig á því strax en aftur á móti má segja það að ef bílsjóranrir eiga að gefa sjénsa og einn kemst upp með að borga bara 100 kr þá kannski reyna fleiri það - aftur og aftur og hvenær eiga þá bílsjórarnir að hætta að gefa sjénsa?

En svona tilfelli eru ekki ný af nálinni og hafa ekki endilega þótt fréttnæm áður.

Fyrir 20 árum síðan var 7 ára dóttir mín á leið heim með strætó - frá Hlemmi og inn í Kópavog, hún týndi strætómiðanum sínum og fékk þess vegna ekki far með vagningum, hennar ævintýri endaði með því að hún gekk alla leið heim í Vesturbæ Kópavogs - næstum 2ja klukkutíma ganga þar sem hún rataði ekki alveg rétta leið. Hún lét sig hafa þetta en lærði að passa framvegis vel upp á miðana sína.

	Níu ára barni með skólatösku vísað úr strætó
Ábyrgðarmaður færslu Tilkynna um óviðeigandi tengingu við frétt

Vefurinn | Slóð | Facebook | Athugasemdir (0)

28.8.2008 | 12:37

Kínaferðir

Ég verð að segja að mér finnst allt í lagi að yfirmaður íþróttamála = Menntamálaráðherra, hafi farið aftur út til Kína, til að vera viðstödd lokaleikinn þegar ljóst var að við vorum að slást um toppsæti.

En það sem ég skil ekki er að, 1; ferðin skuli þurfa að kosta svona mikið og 2; af hverju Ráðherra og fylgdarlið fær greiddan allan uppihaldskostnað ásamt því að fá dagpeninga ....

Skilgreining Ríkisskattstjóra á dagpeningum hljómar þannig ;

Dagpeningar eru greiddir vegna tilfallandi ferðalaga launþega á vegum launagreiðanda utan fasts samningsbundins vinnustaðar. Þeim er ætlað að standa undir kostnaði launþegans vegna fjarveru frá heimili sínu, annars vegar vegna gistikostnaðar, ef um hann er að ræða, og hins vegar vegna fæðiskaupa og annars tilfallandi kostnaðar sem af ferðinni hlýst.

Á móti fengnum dagpeningum er launamönnum heimilt að færa frádrátt samkvæmt reglum fjármálaráðherra.

Samkvæmt þessari skilgreiningu ætti Menntamálaráðherra að fá greidda sína ferð og uppihald ætti að greiðast með dagpeningum, ég get ekki séð að íslenska ríkið eigi að greiða ferð og uppihald maka og annara óháðra aðila.